Tuesday, August 3

बामदेव गौतमले राखे माग, ‘राष्ट्रिय सभाका सांसद पनि प्रधानमन्त्री बन्न पाउनुपर्छ’

July 11, 2021 60

Sapana Sanjal : काठमाडौ । नेकपा (एमाले) का सांसद वामदेव गौतमले राष्ट्रिय सभाका सांसद पनि प्रधानमन्त्री बन्ने व्यवस्था गर्न माग गरेका छन्। आइतवारको राष्ट्रिय सभा सदस्य बैठकमा बोल्दै नेता गौतमले यस्तो माग राखेका हुन् । संविधानमा प्रतिनिधि सभा सदस्य मात्रै प्रधानमन्त्री बन्न पाउने व्यवस्था छ। जसका कारण राष्ट्रिय सभाका सांसदहरु प्रधानमन्त्री बन्न पाउँदैनन् ।

“राष्ट्रिय सभा र प्रतिनिधि सभाबीचको विभेद अन्त्य गर्नुस्,” राष्ट्रिय सभाको आइतबार बसेको बैठकमा बोल्दै गौतमले भने, “विभेद त्यतिवेला हट्छ, जतिवेला राष्ट्रिय सभाका सांसद पनि प्रधानमन्त्री बन्न पाउँछन्।”

आफ्नो यो प्रस्ताव राष्ट्रिय सभा बैठकबाट पारित गर्न समेत गौतमले आग्रह गरे। उनले यसअघि पनि राष्ट्रिय सभा सदस्यले पनि प्रधानमन्त्री बन्न पाउने गरी संविधान संशोधन गर्नुपर्ने बताएका थिए। त्यस्तै, गौतमले प्रतिनिधि सभा विघटन भएको अवस्थामा राष्ट्रिय सभामा बजेट प्रस्तुत गर्ने प्रावधान राख्न माग गरे।

Comment