Saturday, October 16

भ्वाइस अफ नेपालमा नयाँ कोच, दीप श्रेष्ठ ठाउँमा अब राजेशपायल राईले सम्हाले कार्यभार

June 26, 2021 153

Sapana Sanjal : काठमाडौं । टेलिभिजन रियालिटी सो द भ्वाइस अफ नेपालको कोचमा नयाँ कोच चुनिएका छन् । भ्वाइस अफ नेपालमा गायक राजेशपायल राईले कार्यभार सम्हालेका छन् । सोही सो का कोच एवं वरिष्ठ गायक दीप श्रेष्ठ अस्वस्थ बनेपछि राई एपिसोड २२ बाट राईले कार्यभार सम्हालेका हुन् ।

कोरोनाभाइरस संक्रमण भए घरमा नै स्वास्थ्य लाभ गरिररहेका गायक दीपले केही समय आराम गर्नुपर्ने भएपछि राईलाई कोचका रुपमा लिइएको भ्वाइस अफ नेपालले जनाएको छ ।

नयाँ कोचको लागि शुभकामना दिँदै भिडियो सन्देश जारी गर्दै गायक श्रेष्ठले पनि आफ्ना प्रिय भाई राजेशपायल राईलाई कार्यभार सुम्पन पाउँदा खुशि लागेको बताएका छन् । कोच सम्हालेका राईले पनि श्रेष्ठको शीघ्र स्वास्थ्य लाभको कामना गरे ।

भ्वाइस अफ नेपालको ब्याटल राउण्ड समाप्त भई नकआउट राउण्डमा प्रवेश गरेकोथियो । जस अनुसार नकआउट राउन्ड प्रशारण हुनु पर्ने थियो । तर महामारीको दोस्रो लहरका कारण केही समययता लकडाउनको अवस्था रहेको र कार्यक्रम उत्पादनमा संलग्न केहीमा संक्रमण देखिएका कारण ता नकआउट राउण्डका नयाँ श्रृङ्खला प्रशारण नहुने हिमालय टेलिभिजनले जनाएको थियो ।

Comment